2011年沙巴之旅.....我地玩左咩...

時真係過得好快....

2012年既3月都黎緊喇...

我既2011沙巴仲未擺出場....

真抵打...

好啦...趁今日有少少時間快速地寫一寫呢個沙巴之旅...

時間2011年既9月份(確實日子已經忘記左...HEHE...)

去左9日(好似係啩...嘩哈哈...)

OK...廢話少講...我地GO~GO~GO~喇...

今次行程有D特別...有咩特別????就係出發前係網上認識了一位新朋友...EMILY

佢仲係係沙巴旅遊局度做既添(不過今個月剛轉左工)

所以今次行程大部份都交比佢負責

我地今次係舒舒服服去HEA架咋...

一D都唔急唔趕...

雖則唔急唔趕...但..個天好似玩我地囉....

去到第二日掛三號波(當時香港係掛緊8號波)

沙巴位處赤道低位....跟本唔會有颱風飛過去既...

呢期都唔知係咪我地貴人得濟...所以去到有個風住黎....激死....

有咩唔好事???

咪係佢掘起晒海底下面D泥....

去浮潛就變左咩野都睇唔到....

嘥晒是個行程喇....

 
其實個天變得好快....果三號波只係行左一晚雷...
落左一晚勁雨....兩日後個天幾藍...
碼頭幾令...上船去沙皮玩囉.....
不過D水一D都唔清囉....今次我做指導..教姐帶潛鏡同落水要注意事喇...

 GO~GO~GO~試下落水先....

岸邊好濁啊....一條魚都無..仲好大浪添.....

其實真係係岸邊咋.....你地睇水一退...D水連人都掩唔過...不過超大浪啊...

終於拖到姐出海.........鬆開潛鏡無咁辛苦.....不過結果就係...姐最過癮時...
比我發覺.....姐你頭上既潛鏡呢??????無野架.....要賠馬仔150大元吧啦....唯港仔$450.......呢個潛真貴....不過睇番D大蜥蝪當補數啦....真係好大架....上次去都無留意有得睇...好在今次有高人指點先知有得睇..多謝EMILY同EDITH呀....

呢次旅程我地係安排兩次落海.....沙皮果D日水真係太差......浪費晒果次落水...所以第二次落水我地

安排再後一日....我心諗....比多日起碼個海底靜番D..有多D野睇啦.....

所以我地第二日先去....激流.....YEAH...好期待啊....

因為多得EMILY同佢朋友EDITH安排.....今次既激流...好玩到震啊.....

落艇喇...成條九佬河就得我地三兜友玩....仲有三個教練...一對一玩意呀...安全到丫.....

得兩個人蛙船....無他既..姐手痛..所以姐既功作就齋坐定定係船度睇風景..我同老死就...出力呀~~~~

YEAH~到個人放流...上次無得玩..今次玩餐飽....好緊張呀~~~

沿途有人睇住架...好安全好放心.....又好開心添...

我放流完去邊.....睇下就知喇....

咪要上番去蛙番個艇落黎囉...我自己一個人蛙咋....無法啦....果兩兜友比人放左落去仲未救番上黎......我唯有食自己啦...

你睇姐姐幾ENJOY...優優悠悠坐係度等我地....我地又去左邊呢????哈哈..你睇老死...

YES..去玩人地既獨木舟..真係好好玩架....老死愛上左添....當然我都愛上啦....獨木舟真係好好玩架..又易控制又快...一流玩意啊....

跟住....我地又再次自我放流.....因為太好玩....老死ENJOY到丫.....兜友仲..YEAH~添..哈哈.....

呢次激流之旅真係好開心.....我地三人包晒呢段河段...其實九佬河好長...每一段都有人經營激流玩意....EDITH今次穴排我地呢段同我地自己上次去果段唔同既....無咁多人...

河段刺激性又唔同...可能人唔多所以無咁多限制...又比我地帶相機又比我地玩佢地既獨木舟又比我地慢慢遊.....真係正到爆囉.....上岸食既自助餐又係得我地呢幾個去食...唔似上次排餐死咁多人爭....總之好正...下次去沙巴玩激流我一定要再去呢度...真係好好玩

 
令令九佬河啊...
...好..今日寫到呢度......下次再寫...拜住先.....