誠意推介

如果，有緣睇到呢個留言既你，恭喜晒!!

我啱啱先返到屋企，已經忍唔住要通知各方好友，快D去睇''AUGUST RUSH''''聲夢奇緣''，私人誠意推介，真係好正，我不褸都唔興睇故事大綱先再去睇戲，呢部我都無睇簡介(我有私人秘書代勞嘛，哈哈)所以，事前我一D都唔知部戲講咩，一路睇一路FEEL，好正，如果你鍾意MUSIC又認識音樂既話，呢部戲更加不能錯過，信我，襯未落畫快D去睇，睇完之後覺得唔好既話，歡迎隨時上來媽叉我。

I'm back...

最低潮一刻已經過去，抹去前事不快，我相信明天醒來，我會知道條路要點走，THANKS ---'YOU'，緣來緣去，你鬧左我成晚，我都未會醒覺，就果兩個鍾，原來可以改變人既一生(至少改變我)，我希望我係未來日子會一路記得我既'叮'一聲，真心向您說聲謝謝(雖然話到尾都唔係你直接點醒我，但，無你既話，我都唔會'叮'一聲)，頭先我向你講出我既'叮'事時，見你都好愕然，點解我突然開竅，我都好奇怪點解我個腦會突然'叮'一聲，我諗上天從來都無放棄我，今日佢顯示實力啦，放心，我真係知道以後點做。THANKS AGAIN!!

不死....張國榮(四)

打電話詳情現在開始........
話說終於有日放學返到屋企，攞起個電話，撥號出去........鈴~鈴~鈴~個心好驚、鈴~鈴~鈴~個心好驚、鈴~鈴~鈴~第一句要講咩??鈴~鈴~鈴~噢!無人聽!唉!居然有鬆一口氣既感覺，哈!問你死未??!!!放低電話唔服，再打，都係無人聽，果陣應該係下午五點左右，好，心諗--夜晚再打，等食完晚飯，沖完涼，九點咁上下就的起心干，打電話啦，鈴~鈴~ ~ ~你估今次有無人聽啦.....?!..............

偶像的影響力

其實仲未病完，天氣又好凍，又勁咳，但，都要寫低篇BLOG讚一讚亞C，首先恭喜她的FUND CLUB成立，亦都因為佢香港D青少年又或者香港人有救啦!其實人性本善，但，往往都係處於被動狀況，缺少主動性，好多人想做善事但都缺少推動力，亞C呢個推動力其實係一個好開始，起碼首先可以令喜歡佢既人因佢而動起來。
由近致遠，我相信假以時日，會有更多人參與善事，咁，香港會更美好，眼見先前有四海一心，RED MISSION 現有 HOCC FUND。唔知點解，心裡有一種安慰感覺，好奇怪!!!哈!哈!

病...............

禽日已經喉嚨痛，到半夜仲痛，加上天氣凍鼻敏感發作，成個鼻塞晒，喉嚨又痛喎又要用口抖氣，痛上加痛，起身一'伸'鼻就出晒血，頂唔順啦要去睇E生，放兩日病假，好似仲有小小發燒添。天呀，好痛呀!!希望抖兩日會D好啦!阿門!!!!(病到矇左)

P.S.今日十五...齋期!!

不死....張國榮(三)

補充下中學睇LESLIE既野，記憶所及去左三次?四次?五次?唔係太記得，不過近日又記番一D事，記得果時有個場務哥哥原來我哥識架(因為返屋企同亞哥講起佢話佢個FRIEND係果度開工先知,以我所知個場務哥哥而家已變成制片啦!)，我知道後梗係去認親認戚啦，仲記得去到博愛E院見唔到LESLIE，我地就會叫我亞哥個FRIEND出來吹水，吹咩呢，就問下拍戲拍到幾時呀!LESLIE幾時收工呀，可唔可以叫LESLIE出來咁等等....!都幾煩擾架!!

不死....張國榮(二)

繼尋晚之後，今日又想起一些小事，記得曾提及我初中放學去睇LESLIE，諗返其實LESLIE只係係元朗五到六日咁上下，係我同學(ALAN迷)個細妹有日放學經過博愛E院，發現有人拍戲，走去八下先知係LESLIE係度拍'為你鍾情'，到我同學返到學校同我地講已經係兩日後既事，計下手指，我應該去左三或者四日到。

第一日當然又係打空手去啦，見到LESLIE我地勁叫呀，攪到D場務出來勸我地細聲D，等左好耐，LESLIE先至有時間出來同我地SAY HI!!好好人呀!

不死....張國榮(一)

認識我既人都知道我既偶像係LESLIE，記得第一份工D同事叫我做.."榮痴"，果陣時係1989年(哎呀!曝露自己年齡添!算啦!)，其實好細個已經好鍾意LESLIE，記得初中時，知到佢係元朗拍戲，一放學即刻同同學仔坐的士去睇，好興奮、好緊張，日日一聽到放學鐘就一支箭咁飛過去，記得有一次一放學就比班主任捉住，問我0地呢期攪咩0野，一放學就唔見人，我0地話去睇LESLIE，佢聽到之後，雙眼放光，就話佢陣間都要去，仲話我0地點解唔早D通知佢喎，而家諗番起都幾攪笑。

12號的秋遊

上星期六，重遊南生圍，記憶中成年幾兩年無到過，
oh!本來一大片小花小草地，全部比人摌平晒，唉!
雖然，貝貝搬左去濕地公園姐，咁都唔駛一個唔該都無，
就成塊地摌起晒架，真係XYZ呀......

多謝my dear

thank you very much!! my dear lover!
好感激幫我呢個電腦白痴攪好個blog既分類名單，好開心呵!
仲係比我激死既情況下，解釋blog上的制制點用(我唔知果d點叫)!
又幫我加blog友名單，oh!!太好人啦，知你好忙，浪費你好多時間，
不過，都希望你得閒上我屋企再教一教我呢個低能友，
放心，我實報答你既，oh!新偶像呀!
I love u 呀!!

已到2008年

08年了，

眨眼間，而和他分別了五年，

當新一年到來，對他的思念更深，

哥哥，去年過得還好嘛?!

                                               

MISS YOU TOO MUCH!!

十大....有感....

還記得以前睇任何頒獎禮，

都好緊張，成晚坐係電視機前，

睇下我最愛既偶像攞唔攞到大獎，等等...

如果，攞唔到，我就會發晒癲，大叫大哎，

好似精神病發咁，有時差D連電視都打爆佢，

而家諗番都覺得好好笑，

可能當時年輕，腦筍都未生埋，

又未開竅，所以，會有呢D舉動，

諗0下諗0下都十幾廿年前囉!

一直去到他89年退出樂壇，

96年重回樂壇，宣佈唔再攞獎為止，

我都有好多好多年無睇過呢D頒獎禮，

TVB十大

  尋晚同D同事係屋企BBQ，一路睇TVB十大，班友仔一路講陪我等到亞C攞獎先走，一路話我幾十歲人仲迷偶像，WELL!佢地鍾意點講就點講，我有我喜愛，吹咩!等到十點九，仲未見亞C，太夜啦!我三催四請，叫佢地早走早著，費事嘈住我睇亞C(其實唔想佢地太夜走，住得遠嘛!我住元朗圍村佢地住香港、九龍!太遠啦!)。

  班友仲口臭臭咁話，咁耐都未有亞C，一定無獎啦!哈! 我就好老定喎!第一對亞C太有信心啦，第二，如果真係無，都係佢地唔識貨，無問題，因為，係我心目中，亞C都已經攞晒所有大獎，一切在心中。果然，TVB班友都算有TASTE， YEAH!!

無聲的日子(第二回)

  係屋企呢幾日，不停上網搵下有無呢啲病既資料，來來去去都只搵到同E生講既差唔多，為左唔好令家中兩老擔心，我同佢地講耳仔發炎，暫時聽唔係好到野，放一個禮拜病假，其實，係呢幾日心情己由好驚而去到有啲反思既狀況。

  因為，係呢幾日無聲既時空裡，令到自己有好多好多好寧靜既時候去思索，工作左咁多年，日以繼夜，無時無刻在工作，一心只想賺多些錢，令家人生活好啲，究竟，有無停過來，比自己休息?!今次既病，可能係上天比個機會我去休息一下，當我有呢個想法時，個腦好似突然叮一聲，諗通左，所以，我決定暫時放低失聰既恐懼，嘗試用一顆寧靜既心去睇下呢個世界，因此，我攞多一個月大假，去感受一下，一個無聲既世界，究竟係點既。

   究竟會係點呢!? 等我以日記方式，去記錄下.................................................!!



"待續"

無聲的日子(第一回)

今朝坐車返工,突然有種奇想,聽野啦,係---唔準笑住!就係想寫故事一個突然奇想的想法................................................................................!!!!!!!!!!!!!!!!!!    故事開始   ..............

 

  今朝當我一張開眼,發覺鬧鐘搭正九點,九點呀!遲到啦,大鑊!點解鬧鐘無嚮架??老豆點解無叫我架?我於是一支箭跑去洗面、刷牙,一路向住老豆哝哝哦哦,話佢做咩唔叫我起身,我見老豆向住我係咁講!係咁講!我都聽唔係幾到佢講咩野!!就換衫出門口!但,感覺有啲唔妥?!有啲唔妥?!

MA MA

今朝起身先知原來尋晚亞媽腳病左成晚都瞓唔到,但又唔想嘈醒我地,所以痛左晚都無出聲,唉!E生話要有一段磨合期,等大腿骨同股骨互相磨滑D,咁就有機會無咁痛,無錯,係有機會姐,希望上天憐憫,令亞媽隻腳唔再痛,雖然,唔可以再行路,但我可以做佢雙腿,可惜我不能分擔佢既痛楚,觀世音菩薩,希望你可以保佑亞媽腳不再痛,食得,瞓得好,我應承袮唔再咁口臭,學習口吐蓮花!!!

今天終於踏出呢一步!

對我呢個電腦白痴來講,開BLOG從來無諗過,不過,我一向都有寫日記既習慣,不過專寫不快事件,希望開BLOG後可以學習寫下開心事啦,最重要可以回亞C既 YAHOO BLOG啦!YEAH!