TVB十大

  尋晚同D同事係屋企BBQ，一路睇TVB十大，班友仔一路講陪我等到亞C攞獎先走，一路話我幾十歲人仲迷偶像，WELL!佢地鍾意點講就點講，我有我喜愛，吹咩!等到十點九，仲未見亞C，太夜啦!我三催四請，叫佢地早走早著，費事嘈住我睇亞C(其實唔想佢地太夜走，住得遠嘛!我住元朗圍村佢地住香港、九龍!太遠啦!)。

  班友仲口臭臭咁話，咁耐都未有亞C，一定無獎啦!哈! 我就好老定喎!第一對亞C太有信心啦，第二，如果真係無，都係佢地唔識貨，無問題，因為，係我心目中，亞C都已經攞晒所有大獎，一切在心中。果然，TVB班友都算有TASTE， YEAH!!