十大....有感....

還記得以前睇任何頒獎禮，

都好緊張，成晚坐係電視機前，

睇下我最愛既偶像攞唔攞到大獎，等等...

如果，攞唔到，我就會發晒癲，大叫大哎，

好似精神病發咁，有時差D連電視都打爆佢，

而家諗番都覺得好好笑，

可能當時年輕，腦筍都未生埋，

又未開竅，所以，會有呢D舉動，

諗0下諗0下都十幾廿年前囉!

一直去到他89年退出樂壇，

96年重回樂壇，宣佈唔再攞獎為止，

我都有好多好多年無睇過呢D頒獎禮，


其實，以前都唔明白，點解會宣佈唔再攞獎，

直到我最愛既他離去後，我先慢慢明白他，

頒獎禮...just a GAME only!!

直到現在，已經再進步到 just a COMMERCIAL GAME only!!

已絕對失去原有意義。

近呢兩、三年我都有睇呢D頒獎禮，

原因，有了她的出現，

一個有夢想，為自己理想的音樂世界，而盡全力的人，

一個不做作，不向俗世妥協，

完全自我，充滿自信但又單純而正直人，

12號果晚，我坐係屋企睇晒成個SHOW，

點解?

我知她唔會有好多獎，

最多可能只得一次出場機會，

又或會係零機會，

但，

這又如何?!

我只想看到她在台上，

那種自信及悠然自得的樣子，

我知獎對她來說一點兒都不重要，

重要既，我可以係電視上看到她，

她常說自己另類，唔係主流，

我說，

她並不是另類，她只是太單純、天真，

不屈不撓，不隨波逐流而已。

她跟他有點像，

"我、就是我  是顏色不一樣的煙火

天空海闊，要最堅強的泡沫。"

很高興，愈來愈多人認同她的理念，

縱使今天仍有人敵視她，

我相信，總有一天他人會明白。

她的努力並不會白費，路亦唔會只得佢一個人行，

我相信有千千萬萬個愛佢既人陪佢一齊行。

因為，

她除了有梅姐既氣度，亦有哥哥的特質，

最重要她亦都擁有他們那顆真摰、純真的心。

詩，繼續努力吧!

除了我們，衪倆都會為你加油!!