其實尋日仲有相同目標，就係去搵''春田花花幼稚園''，原來大家好耐無去過，諗住尋日去，哦~去到...執左，幢樓仲無埋，已是一個地盤啦......咁為有HEA 到落CB，我地就散BAND啦，再各自有各自地方去啦....不過，應承將我以前係太源街既戰利品比亞朋友仔睇，所以......請細心觀看.....
首先出場....車既係列啦....細個時好鍾意車(而家可能年紀大已經好少買車仔啦)....
隻甲虫仔無掃塵就影，有少少朦添..藍色同黑色開薘都係回力車，果時見到架黑色開薘時都唔知幾興奮呀.....
綠色果架係積架車，我有時都會係專門店都見到呢款CLASSIC版積架車既復刻版(真車果隻)，黑色係我夢想中既紅旗車，好令架，隔離就係60-70年代既平治仔(銀色架)....隻史路比...比人車死左啦...^^
可愛既上鏈公務車系列，不過因為係擺係枱面關係，所以有D氧化同生金秀，不過仲行得架^^
上鏈小火車，三CAR，同一個問題，因係擺出來，又係氧化同生金秀......不過，亞朋友仔話，有D殘殘地先有FEEL喎....吹漲....
超可愛上鏈打鼓小熊貓大戰上鏈坦克車........
老細，攬實D，開車架啦......
班比 : 班馬仔跑快D 班馬仔 : 亞班比....等埋我呀，有人睥住呀!
生日禮物，水晶版FERRARI
同場加影係旅行時既小小金屬戰利品
噢~COCA COLA IS IT~
係VIETNAM買既汽水罐手工品，我自己KEEP左兩件，真係好正，可惜無手攞，唔能夠盡情搜購...
大眾踩單車郊野上......
去過THAILAND既朋友，應該見過，係四面佛門口小販擋買，款式顏色隨我佩搭，好正....仲係即場HAND MADE架...勁呀..
你d 越南金屬製品好正, 正係我杯茶。我都有買泰國單車仔呀, 我果架綠色既。我屋企都有唔少精品車, 不過都唔係買既, 因為舊公司造合金精品車的, 我見佢地靚都攞唔少返屋企, 多數都係BMW, Volkswagen 同 Porsche, 至於自己買既就多數係模型, 車既有Benz, 電單車就喜歡砌 Suzuki 同 harley-davidson, 當年覺得d車好型架。
回覆刪除[版主回覆02/15/2008 23:08:00]老細，你好似同我一樣..F...黎喎?!點解有著相同嗜好既???難道我地前世係同一個人黎既???!!! 仲有你就好啦，D車仔FREE既，我就用唔少錢買啦，係呢幾年無買，仲記得十年八年前要去油站入油唔知滿幾多錢加積分換購D車仔，我幾經辛苦先換到呀，你好野吖，一個唔該就手到拿來，超羨慕呀!!!
喂, F for what ar ?! friend?? 前世係同一人, 你睇得梁祝多吖?! hey, 嚐好相近先有計傾架嘛, 如果唔係邊得黎咁多野講啫, 可能遲d發現更多相同嗜好添呀!! 哈哈, 我d 車仔, 除咗自己keep 之外, 當年仲送咗唔少比親朋吖!!
回覆刪除[版主回覆02/15/2008 23:42:00]F FOR FEMALE囖，唔係睇得梁祝多，你有無試過係街或朋友當中有時會發現有D人個樣同舉動都同自己好似吖，又或者去到一個陌生地方，但，你會發覺有似曾相識之感吖，又或者有時你D朋加友會話我幾時幾時見到一個人好似你架?等等.....你有無聽人講過，點解會有呢D情況發生?原來呀，你如果今世為人，而上世都係人既話，再投胎既話，下世既你AT LESS分為六份，即係上世一個人下世投胎至少變成六個人呀，所以，會有時發覺有D人會同自己好似架。明唔明???不過，信不信由你...
喂, 點呀你....你講d 野我有試過, 亦有聽過.....我都好相信前世今生架!! 嘩, 見到你段文字, 有d 驚.....兼有排講, 之但係我明天要返工啦, 要早瞓, 再講!!
回覆刪除[版主回覆02/16/2008 00:18:00]聽日星期六喎，開工大吉???咁奇既????要擇日開工架????不過講起前世今生呀，我仲有D野爆呀!!.... 不過，學你話齋，聽日再講......
等緊你爆料呀, 聽你講完我有理由懷疑我前世係男性囉, 基本上小時候既玩伴都係男仔, 玩既係刀刀槍槍、電子遊戲, 果d咩barbie, 煮飯仔, 我都家下都唔知玩咩既。再大d 既嗜好係音響、科技野, 行街、shopping 唔好攪我, 你話呀!! 我諗除咗講女人, 家下我同d男士都talk 得兩咀!!
回覆刪除[版主回覆02/21/2008 21:46:00]鎖你，今日先覆呢篇，因為之前無mood嘛!
嗱，我屬咩野年代人，係人都知，咁....你呢???!!!
其實我細個時d玩伴都係男仔多，因為多數會跟亞哥去玩，多數玩打波子，我細個打波子好叻架，又玩拍公仔紙啦，諗起都好懷念...當然，你最唔喜愛既煮飯仔，barbie同公仔換衫呢d玩意，我都有玩啦，仲好enjoy添，呵呵!!唔似呵!!其實玩咩，最主要係對手係男定係女，同男仔玩時，所有男孩玩意我都喜愛，同女仔玩時，所有女孩玩意我都一樣投入，仲好記得自己成日整d紙衫比個公仔著，哈!諗起都好笑，但，又記得打機又好叻個喎(並不是係機舖呀，只係係屋企玩任天堂)，車啦，好細個已經十分鍾意車，直到與他分手，先至無咁沉迷...，再再大d，就無咩特別喜好，不過有一點同你好似，到而家大個都無變既，就係行街要有目的，hea都要有目標，買完就走，shopping咪攪我，我有d friend好鍾意毫無目的咁去行公司個喎...我覺得裴然所思...咁浪費時間都得既????不過，話說回頭，佢地見我無呢樣嗜好時，亦都覺得我係度浪虻費時間jack..係咪!!仲有件事.....哈!留番下次講...HE HE HE,...