奶咀你又無丫???

尋日係公司....突然間聽到BB喊聲...好大聲...成公司震晒果隻喎~於是我向後望...呵呵~原來有個金毛B(外國人呀~ ^^)係架BB車度...發晒爛炸....
果時...我同事就同見緊個B既父母....

果然係車震丫.....個B拆晒天...老豆就第一時間送上.....
愛心奶咀一大個.....

.......

話口未完..一野塞落B口....
乖...吔啦你...

但.....估都估唔到個B既反應係......

''啪''一聲...揼個奶咀落地........老豆見到....就第一時間執起...係條衭度...擦兩擦又塞返落B口喎~我地見到時就~OH~NO~好污糟呀~地下執上黎...係咁咦擦兩野就塞返落B口....D外國人...真係細菌當補品咩????

跟住..老豆就...又塞落去....

亞B..又揼....
又執...又塞...

又揼.....
又執...又塞...

又揼...
笑死我地呀...不停重複又重複...見到佢地兩仔爺好鬼死好笑....我同個同事...一路只遠觀..打死都唔埋去....嚫仔發爛炸.....我地一定避呀..
跟住...我地見到老豆...係個袋度...摷出一支......

咦~咦~一支我地睇都睇唔清楚係咩野既野時....老豆就打開支野.

一野唧D CREAM狀既物體係個奶奶咀度....然彼...再塞...

好神奇呀～呢次老豆塞左個有料奶奶咀比個Ｂ後。。。亞Ｂ無揼個奶奶咀之餘。。仲好快好快咁。。。瞓著啦。。。。ＯＨ～ＮＯ～究竟呢支勁似細支牙膏既野。。。係咩黎呢？？？？

你睇。。。
瞓得幾冧。。。。。。

跟住好快同事就送走個客啦....
之後..我地問個同事..有無睇到究竟果支係物傢伙????....咁利害...一出現...個B就乖乖啦....
同事答...吓~有D咁既樹??/我以為個老豆好叻咁氹掂個B咋...我掛住望電腦無多隻眼去望個老豆做咩呀....原來老豆出旁門左道野呀........又幾使得喎~

XXXXXXXXXXXXXXXXXXXXXXXXXXXXXXXXXXXXXXXXXXXXXXXXX
後話....我地呢D臭口人黎架嘛....當大家知道呢件事後...就紛紛猜測...究竟果支係物傢伙.......
我地既賤答案......係一支...SUGAR GEL???....仲係有安眠藥成份既...SUGAR GEL.......唔鴿..唔係...係一支加左安眠藥同鎮定劑既..SUGAR GEL..先啱~
公司有時見到呢D大喊B都幾過癮架..
P.S...架BB車真係咁既款架....我叫呢款為...豆豆車(外型似足紅腰豆呀..)係我地呢度....周不時會見到外國人既BB車...好鬼死大部之餘..仲好鬼死型仔呢....三個轆..但..一睇就比香港BB坐既穩陣...外國B D私家車真係令D喎~