不死....張國榮(三)

補充下中學睇LESLIE既野，記憶所及去左三次?四次?五次?唔係太記得，不過近日又記番一D事，記得果時有個場務哥哥原來我哥識架(因為返屋企同亞哥講起佢話佢個FRIEND係果度開工先知,以我所知個場務哥哥而家已變成制片啦!)，我知道後梗係去認親認戚啦，仲記得去到博愛E院見唔到LESLIE，我地就會叫我亞哥個FRIEND出來吹水，吹咩呢，就問下拍戲拍到幾時呀!LESLIE幾時收工呀，可唔可以叫LESLIE出來咁等等....!都幾煩擾架!!

嘻!!不過最終其實我地都係問佢攞LESLIE電話號碼為目標，最終當然無比我地啦，但，唔好忘記個場務哥哥係我亞哥個老死，我亞哥比我知呢個秘密之後，佢係屋企都無安寧過，日日比我大迫供，煩音處處，最終當然手到拿來啦，哈!哈!哈!電話就到手啦，但未知個NUMBER係真係假，要證實真假，梗係要打過先知，你估最後我地有無打去?!...................................................................................



                     

首先，先講番NUMBER到手，既心情，嘩!個心有跳出黎既感覺，仲記得成班友仔攞住個NUMBER左睇右睇，你推我讓，喂，你打啦，都係你打啦，你打、我打、佢打，到最後無人敢打，好好笑，咁辛苦得到個NUMBER無人敢打，都幾攪笑，一日拖一日，最後個責任當然又落返我手上，YES!又係我，你話我有無打丫，我.................................當然有打啦!哈!哈!哈!咁個NUMBER係真定你假?!買個關子先，下回分曉!!!!!

                    

HI ! LESLIE ，HOW ARE YOU!!! MISS YOU!!