不死....張國榮(四)

打電話詳情現在開始........
話說終於有日放學返到屋企，攞起個電話，撥號出去........鈴~鈴~鈴~個心好驚、鈴~鈴~鈴~個心好驚、鈴~鈴~鈴~第一句要講咩??鈴~鈴~鈴~噢!無人聽!唉!居然有鬆一口氣既感覺，哈!問你死未??!!!放低電話唔服，再打，都係無人聽，果陣應該係下午五點左右，好，心諗--夜晚再打，等食完晚飯，沖完涼，九點咁上下就的起心干，打電話啦，鈴~鈴~ ~ ~你估今次有無人聽啦.....?!..............

係有呀!!!!我聽到''咔''一聲(攞起電話聲)，你又估下我第一時間會做咩吖!!???無錯、無錯~ ~ ~就係即刻收線，大家都無睇錯係收線，好驚呀!等左幾個字後定一定神再打，人地再聽我再收線，哈!好無'吉士'呵!你唔好話呀!當我聽到有人攞起電話聲時，我個心即刻由口度跳左出來，好驚呀，呢世女都未試過咁驚!而家諗番都覺得好好笑，但係，係呢刻我真係形容唔到我當時既感覺，果種果種成徨成恐、十五十六、手心慕汗、心跳極度加速既感覺，大家明唔明呀???唔明我都無法子，你得閒就試下用個腦去FEEL下啦!

好好好!再講番打電話事件啦，係第二日返學，班同學一見我即刻圍晒埋來，問我尋日戰績，我講番出來，比班友仔勁笑，我呢，唔比人大得既，所以，我拍心口話--今日放學再來，今次，由放學打到夜晚都無人聽，心諗，呢個電話號碼應該係LESLIE既，點解咁肯定，你知唔知果晚我係EYT見到邊個做嘉賓呀~ ~LESLIE呀，咁佢係無記出緊SHOW屋企咪無人聽電話囉，係咪!!好聰明呀(我自己)!!!YEAH!!
咁!其實我無放棄架，為了大家福利著想，我係第二朝返學前又打多次電話，鈴~鈴~鈴~(好緊張)!嚮左好耐，想收線之際，有人聽電話啦，一把未瞓醒既男人聲，無錯，係男人聲~ ~喂~ ~，喂左我一聲，跟住我就好緊張，好緊張，把口啞左，隻手硬左，又跟住個聽筒''踫''一聲跌左，無錯係跌左，仲跌到斷埋線，唉!緣份既野無得講架，係咁既情況下唯有返學先啦，返到學校同D同學講，佢地話點解我唔打多次喎!我話咁鬼早嘈醒人已經好唔好意思啦，仲打多次，人地唔覺煩自己都覺得衰啦，所以，我決定夜晚再打!跟住成班人勁問係咪LESLIE把聲，一把未瞓醒既男人聲，係唔係LESLIE把聲呢?!我記得我果時答案係-----好似LESLIE把聲既，當然到現在真假係FIND OUT唔到既。好啦，到尾聲啦，係果日夜晚我真係再打過去，係有一個男仔聽，以下對話內容請留意-----

鈴~鈴~!!

男 : 喂~ ~(好斯文呀)

我 :唔該LESLIE係唔係度呀?!(~有少少口震~)

男 : 呵! 佢唔係度喎!!

我 : 0我!好吖!唔該!!(收線)
YEAH!!佢答唔係度，咁個電話咪係LESLIE個囉，哈!哈!哈!好開心呀!我當時簡直痴左線，係屋企勁跳，勁哎!哈!哈!而家諗番都覺得好開心，嘻!!我果時第一時間通知D同學仔，我終於完成呢個偉大使命啦，D同學知道之後就想我比番個電話NUMBER佢地，等佢地得閒自己打喎，呵!我應承我亞哥唔比其他人既，所以，我無比佢地呀!廢事煩到LESLIE嘛!!嘻!嘻!(LESLIE係我架嘛!!)哈!哈!
其實係果次之後我跟住只係再打過一次，果次聽筒傳來既答案係---'無呢個人'，但把聲真係勁似LESLIE，我諗LESLIE好多時都會收到好似我呢D咁既人打電話過去，所以，當佢接電話時發覺對方把聲唔熟時，佢會話''無呢個人''(呢個係我推測既原因，我諗事實都差唔多JACK!!!哈!哈!)
跟住，之後我又做番果D沉底FANS啦，我呢個人不褸都唔會好高調去接觸偶像，偶像唔可以走太近，要有距離觀望，咁至夠FEEL嘛，係咪!
P.S. 咁我算唔算同LESLIE親身對過話呢??????
                         

LESLIE : 你自己話呢.............................