無聲的日子(第一回)

今朝坐車返工,突然有種奇想,聽野啦,係---唔準笑住!就係想寫故事一個突然奇想的想法................................................................................!!!!!!!!!!!!!!!!!!    故事開始   ..............

 

  今朝當我一張開眼,發覺鬧鐘搭正九點,九點呀!遲到啦,大鑊!點解鬧鐘無嚮架??老豆點解無叫我架?我於是一支箭跑去洗面、刷牙,一路向住老豆哝哝哦哦,話佢做咩唔叫我起身,我見老豆向住我係咁講!係咁講!我都聽唔係幾到佢講咩野!!就換衫出門口!但,感覺有啲唔妥?!有啲唔妥?!


  當我踏出門口,真係發覺有啲唔妥,點解條街咁靜既??無車聲、無人聲、無任何聲音,好寧靜,靜到自己心跳聲都聽到,好恐怖!!我舉頭四望,唔係喎!成街都係車,成路都係人喎!但,點解我聽唔到既?!聽唔到呀!係聽唔到呀!我見隔離師奶手上BB勁喊,但,我一啲都聽到呀?咩野事呀?!唔通我突然間聾左?!唔係咁攪野呀?!!


突然間覺得自己心跳得好快,有小小標冷汗,仲有啲暈既感覺,發生咩野事呀??耳鳴啩, 係咪呀,我係度勁拍自己對耳,希望拍清佢,但,拍到手都痛埋,我都係聽唔到野喎!好驚呀!我聾左呀!我呆左咁坐左係花槽到,我唔知過左幾耐,我手機震(我諗有嚮到,只係我聽唔到唧!),公司搵我,我望住個電話好耐,聽唔聽好呢?望、望、望、望到佢停左再震,停左再震,我終於攞起電話,同電話中人講"唔好意思,我今日有啲唔舒服,返唔到工!"咁, 我就收左線,我唔知打來既係邊個,講完我就第一時間收線,好驚呀!仲未驚完!!

  話說我都唔知自己坐幾耐,我突然覺得我係咪應該去睇E生呢?!我發覺人會係突然其來的事情,令到自己不知所操,我,就係一個好例子,係 ,去睇E生,於是我去左一個我睇左18年既孫E生度,當我見到佢時我既眼淚就不停不停咁流出來,一路喊一路同佢講我聾左、我聾左!我見孫E生一路拍住我肩頭,一路口噏噏,但,可惜我聽唔到佢講咩,我諗都係叫我放心唔好喊之類說話啩!係E生度,佢幫我做左一大輪測試,但,都搵唔到原因,因而我又被轉介去E院,檢查一輪之後,E生都未搵到真正原因,只係同我講可能係心理或其他不明因素而令我暫時失聰,唉!我都希望係暫時性,總之由今開始,我開始我的無聲歲月......................................................................!!!!!!!!!!!!!!!!!!!!!!!