不死....張國榮(二)

繼尋晚之後，今日又想起一些小事，記得曾提及我初中放學去睇LESLIE，諗返其實LESLIE只係係元朗五到六日咁上下，係我同學(ALAN迷)個細妹有日放學經過博愛E院，發現有人拍戲，走去八下先知係LESLIE係度拍'為你鍾情'，到我同學返到學校同我地講已經係兩日後既事，計下手指，我應該去左三或者四日到。

第一日當然又係打空手去啦，見到LESLIE我地勁叫呀，攪到D場務出來勸我地細聲D，等左好耐，LESLIE先至有時間出來同我地SAY HI!!好好人呀!

第二日，當然有備而戰，攞左D相比佢簽名，不過佢好忙，出來一陣就入番去拍野，當然，場務哥哥仍舊叫我地返屋企，話LESLIE唔會再出來啦。

第三日，見到同學個妹，問佢今日LESLIE又無出來，佢話LESLIE啱啱入返去，同學妹話最衰我地喎，我問點解?原來係我地來之前LESLIE同緊佢地玩'捉伊恩'，LESLIE當見到我地出現時，就話 '哎呀!班中學生到啦!我要返入去啦，下次再同你地玩過丫。'(因為除左我地仲有好多其他中學生，大家放學時間一樣嘛!)我聽左之後好傷心，點解我會係個中學生呀?!我地一班同學當時羨慕死同學個妹呀!(果期好鬼憎自己讀中學，激死!)之後仲知道原來同學妹同佢隔離D小朋友果期日日走去LESLIE同玩，真係恨死我啦，點解無我份呀?!

第四日，去到博愛，又見到同學妹，佢話今LESLIE日心情唔好，無心機同佢地玩，我問點解啦，原來LESLIE架車比人劃花左，呵!原來一路泊係到架黑色開薘寶馬係LESLIE個喎!個衰妹而家先講激死，跟住我地就去睇下架車，好犀利，架車比人用石頭之類既野係佢上面圍住架車劃左幾圈，花晒，我地見到都心痛，可況係LESLIE! (聽聞架車仲係哥哥最鍾意添!)果時仲聽聞係ALAN FANS做添呀，返到學校同ALAN FANS吵得仲勁呀!諗番都幾....純真....幼稚....!!???哈!哈!哈!

不過有一個事實，由見完LESLIE之後，我既老死(ALAN FANS果個呢)佢話覺得LESLIE好過ALAN喎!所以,之後佢都鍾意哥哥囉!!!!YEAH!!

P.S.果時都好蠢，唔識同D大人借相機，所以一路都無同LESLIE合過照，好遺憾!!不過果陣時都唔敢比亞媽知日日放學走去睇明星，日日遲返歸，只係同亞媽講留係學校溫習，所以借相機 NO WAY!!!

                         




















見到嘛?見到嘛?

係24年前既哥哥親筆簽名 POST CARD，仲係中文名添呀!! !!!好羨慕呢!!!!!!

有D 摺痕因為係 A4 SIZE，果陣時攞來攞去比同學仔睇，品質差唔多架啦!