今朝係公司做下做野時，同事走過來同我講，
''肥姐走左''!
我聽到之後不期然講左句，走對佢黎講可能係一種解脫。
近年見到她的身體每況越下，我看見也覺得痛，離去不嘗不是一種好事，起碼而家佢可以同佢媽媽在天上共聚.
同同事食LUNCH時，電視剛剛做緊無線既''婦女新姿''??(其實我唔知個節目叫咩名，淨係知道以前叫呢個名)，見安德專一臉哀愁咁細說肥姐往事，同時亦接聽觀眾電話，說說對肥姐既感受，係節目當中我聽到其中一位電話入面既太太同安德專講，佢好細個已經好鍾意睇肥姐做戲，佢話肥姐可以話一路陪著佢成長，好似親人既感覺，話佢好唔捨得肥姐，一路講一路喊，直到講不出說話，而安德專就輕聲安慰呢位觀眾，
不過與此同時我都聽到現場(即我食緊飯既地方)有個侍應大大聲聲咁講''唓~預左佢會死架啦，過左年先死佢咪執到囖，駛唔駛咁喊???咁傷心做戲咩?''
我聽到之後，望一望個侍應，然後埋單離開....。
其實，肥姐既離去，我沒有特別傷心或失落，可能心中早有預計到今天發生既事，有D心理準備，但，我都覺得好唏噓，
但，當我聽到個侍應咁講時，我有些心痛，啱，我地早有呢個心理準備，我地一早預知有今日，但，愛她的人不可以哭嗎???為她的離去傷心也不可以嗎???
其實，當我聽到那位觀眾係電話中由飲泣到痛哭時，我有一種身同感受的感覺，我想起''哥哥''，其實，我們對偶像既感情，唔係用崇拜來形容，正如果位女仕所講，係親人既感覺，唔覺唔覺原來佢地陪伴我地一起成長，一起渡過風風雨雨，已經習慣佢地會係我地身邊，當我地知道佢地既離去，我地會為佢傷心流淚，心會好痛.......
可能係世俗眼中為一個藝人而痛哭，係一種低能或戇居既舉動，但，我想講點解唔可以呀??????
所以，我完全明解果位觀眾既感受.......................................!!
我地既開心果...別啦...願你在別個地方，活得更開心快樂.....!!
姐...一路好走.....!!
咁大家都可以睇到啦!! 如果你唔係講過比我知你做咩既, 我會覺得你似教書, 唔知你有無留意, 你講解完d 野, 會問人明唔明的。 ok, 我明白, 請繼續。
回覆刪除[版主回覆02/20/2008 22:09:00]有咁既事???見你咁耐唔覆，我啱啱預備去沖涼喎，你介唔介意等一等我呢...??/
喂, 忘了說, 你成日頭暈, 懷疑自己咩病呢?! 我上年無啦啦頭暈腳軟足足幾個月, 暈既程度係除咗返工, 放工邊度都去唔到, 我一入商場就黎料, 係街亦都越來越嚴重, 睇過好幾次醫生, 驗過血都唔知咩事, 後來我決定去body check, 問醫生建議我check 咩, 佢叫我照胃 (根本我諗都無諗過我個胃會有事, 因為我無胃痛的), 不過說也奇怪, check 完話我個胃有菌(其實好多人都有的), 話開抗生素比我, 醫生同我講的時候我都覺得廢廢地, 邊關事, 點跳食完後約一星期我就開始無事, 人精神返。
回覆刪除[版主回覆02/20/2008 22:16:00]咁邪???不過我又背痛(背後近腎位置)，我諗星期五仲痛我會去睇E生...多謝關心先...仲有等間你仍可以私人SEND比我，之前只不過係講笑，你點SEND都得..