分享下我手上仍有既演唱會飛吖...
87年1月2日，以我記得應該係跨年演唱會由86年唱到87年........噢~ ~好靚仔呀...
YES!!!87年1月4日，同一個演唱會，大家留意下，同一個價錢既飛，原來日子唔同既話，連係飛上既哥哥都唔同樣架.....(註:唔係SCAN矇左，係張飛上面原本都係用SOFT鏡拍架)不過呢個演唱會既印象係我腦海中較為模糊，淨係記得果時買KONICA野會送LESLIE年曆卡，我都有一張，下次比你地睇吖.......嘻!嘻!
對，1988年百事巨星張國榮演唱會，呢個演唱會我印象深D，仲記得LESLIE果年做左百事亞洲區代言人(仲記得西方代言人係米高積遜添)，為左換LESLIE D 記念品，我飲左幾多百事呀，日日坐係屋企睇LESLIE既百事廣告，一見到個廣告我就會上左身咁，跟住廣告中既LELSIE又叫又跳，當時，廣告內容全部記得啦，最記得就係演唱會(廣告中)完後，有個小朋友上前，LESLIE跟住踎低問左句...我既百事呢......?!嘩!!!果時係電視中見到LELSIE演唱會喎，好少架，所以，大家明瞭點解果時我日日做咩踎係屋企啦..哈!哈!哈!
好正呵.......!!至於D百事記念品我手上仲有幾多呢??買個關子，下次比大家欣賞........哈!哈!哈!P.S.當然，呢三張飛梗係唔係我原本睇LELSIE演唱會既飛啦，(我又係從未見過我D飛架
)又係果位好同事送贈既，哦!!!THANK YOU 佢啦......再P.S. 有無留意到D飛坐位已經唔係人手寫上去，係用電腦印上去架。
我都留意到你呢兩個point 呀!! "已經唔係人手寫上去，係用電腦印上去" "同一個價錢既飛，原來日子唔同既話，連係飛上既哥哥都唔同樣架" 我依家都有keep 演唱會飛既習慣, 不過可惜全部都係電腦飛, 都無咩特別, 但就可以知道幾時去睇過囉!!
回覆刪除[版主回覆02/10/2008 17:42:00]好可惜，唯一一張係自己買同係自己KEEP住哥哥既飛，係89年既告別演唱會，但，十分十分之可惜，果時已經全係電腦飛。 .....
係呢, 唔知你鍾意鍾意睇舞台劇, 之前做咗套喝彩, 係用咗哥哥、鍾保羅同陳百強既一生做藍本的, 用咗哥哥同danny 幾十首歌帶出故事。 除咗夠晒正面之餘, 仲可以對哥哥懷緬一番, 我呢講真係好touching, 實在太好睇, 我足足睇咗三次。
回覆刪除[版主回覆02/10/2008 20:45:00]其實當我見到有呢個舞台劇時，都有衝動去睇，但，又覺得別人做哥哥我又唔係咁欣賞，所以最後都無去，哦!你睇左三次呀..咁可能我錯過左啦，我諗如果有機會，我會去睇。
P.S.由亞C既梁祝開始，就喜歡左舞台劇，睇得最多係梁祖既，因亞C關係有少少愛屋及烏FEEL，話晒係亞C個FRIEND，梁祖做得又唔差，當然，有亞C演出既我就一定會去睇囖，好似森美小儀個劇咁，為左睇亞C果場，排左兩個鍾呀，仲只係買到最貴飛最後最邊果兩個位，勁難忘呀。
不過有時會諗番，會覺得好可惜，哥哥從來無做過舞台劇，就爭果少少.................-_-...
我印象中第一套睇既舞台劇係謝君豪既梁祝, 都好多年前lu, 後黎都間唔中會去睇劇, 但講到睇得最多劇都算得上係06-07年啦, 我諗都同何c 做舞台劇有關, 因為之後我就留意咗阿祖同蝦頭, 睇咗佢地好多劇, 阿祖既劇我最鍾意既係"公主復仇記" 同"攣到爆", 你有無睇呀!!
回覆刪除其實都唔可以咁講既, 最緊要係佢做到自己想做既演藝事業, 至少佢都可以圓到佢多年來既導演夢呀!!
[版主回覆02/11/2008 20:11:00]哈，偏偏你講果兩套我就無睇，本來4月番做'攣到爆'我想去睇，不過我個FRIEND話唔睇，話等佢下個劇先睇喎叫'我愛你你咪理死未'?!佢話仲好睇喎..請問你睇左未，好睇嘛???是但啦，無所謂，我信緣份黎既，下次先，不過最近睇梁祖應該係'小人國'而上次應該係一峰同佢既'一期一會'，兩個都好好睇哦。
你講果幾套我都有睇過, 對我黎講對"你咪理"有d失望, 一來可能之前期望過高, 二來覺得佢入面故事比較散, 投入感少咗d, 當然入面都有我喜歡既故事的, 未睇過不妨入場。
回覆刪除我都有呀 !
回覆刪除[版主回覆03/17/2008 14:50:00]我諗大多數愛leslie既人唔多唔少都有呢d飛..^^
係一份好好既回憶..