你好野......C

尋日係公司飯枱食緊飯盒時，見到有本過左期既八婆集誌(忽X一週)，我呢係一個永遠唔會買呢D又老作又吹水唔抺咀既集誌睇既人來既，不過見吔飯又無咩野做，咁就攞來睇下有無亞C既報導啦，咦!!居然見到有一篇寫亞C喎，咁我就望下寫咩啦，標題-----何韻詩三分顏色上大紅(好似係咁，唔係咁記得啦。)大概就話亞C係無記勁歌係慶功宴上好''撬士''，事緣就係慶功宴上呢間集誌社記者走埋亞C度想話做訪問，咁埋到亞C身邊就比佢助手(25???)截住，問係佢係邊間傳媒，咁個記者就話係忽X一週，咁呀助手就講左句，''對唔住亞C唔接受週刊訪問''，講完就同亞C頭也不回咁走左入面坐啦。個記者係呢篇野就係寫住話...亞C而家又唔係咩大姐大，又唔係好紅駛唔駛咁寸呀，佢師傅梅姐以前係大姐大時都好比面傳媒啦，無D梅姐風範等等................(下刪五十字.......)。

我睇完之後咀角不期然泛起笑意，好正呀，25 well done呀，亞C果然夠'吉士'，好鍾意你呀，哈!哈!哈!(容許我大笑三聲)真係有大快人心既感覺，有D記者攞住支筆就以為自己係神仙，個個娛樂圈人都要比面佢地咁，又唔諗下自己寫D野有幾成真或有幾成假，好似今次亞C唔接受採訪咁，佢地都可以大寫一餐，仲拖埋梅姐落水添，你地話香港D傳媒素質有幾高吖!?當然，當中都有好既，不過真係少見啦。
講真，真係好懷念以前D週刊好似..大眾電視、金電視、玉朗電視同好時代集誌咁，果時做得集誌封面既全部都係當時至紅既明星，我做FANS時就以自己偶像可以做封面同中間拉頁為榮，唔似而家，當見到某某明星做封面，佢呢期死梗，唔知狗仔隊影到D咩野衰野，又或是係佢屋企垃圾桶搵到D咩，咁就會大事宣傳，左吹右吹唔知寫D左咩出來，唉!藝人都係人來架，唔會百份百完美，有時D傳媒駛唔駛去到咁盡呀!?哥哥既事唔能夠令佢地反醒同醒覺嘛?!我真係唔想哥哥事件重演，希望大家八少D，比D壓力傳媒，咁我地先至再有一番D有水準既集誌睇嘛!!!
又講番亞C，佢真係我現時所見最真最直既藝人，又夠''吉士''，我出來做野時枱面寫左兩句助右銘 : 道不同不相為謀，話不投機半句多，對亞C來講好貼切，C KEEP GOING ON，我幾時都咁撐你......YEAH!!!