鸚鵡學舌....

鸚鵡學舌之......米高鋒篇....

今次主角..又係晴晴呀~

話說..有日晴爸爸係姑媽家...播了以下片段.....

晴爸攞了呢部令令電子琴出來....晴晴一野望到時..就兩眼發光啦.....
     

奶咀你又無丫???

尋日係公司....突然間聽到BB喊聲...好大聲...成公司震晒果隻喎~於是我向後望...呵呵~原來有個金毛B(外國人呀~ ^^)係架BB車度...發晒爛炸....
果時...我同事就同見緊個B既父母....

晴晴...^^...

HI~各位好....加左個新分類...共童度過...故明思義就係講...兒童...小朋友啦...
話說...公司有個同事....時不時就會講下佢既小姪女既趣事...好鬼攪野....聽得多...我好想將呢D得意事記低....所以...就出左呢個分類啦....當然...話明係講小朋友...梗係唔止記錄同事既小姪女趣事啦....其他小朋友既趣事..我一有機會都會記錄下來...今次第一次同大家見面...就由同事小姪女...晴晴..打頭陣啦...
晴晴...今年剛兩歲.....但..話說....當晴晴15個月大時..已經要返學啦...返咩??咪係返... PLAY GROUP 囉~(聽聞而家好興過喎~~)
鸚鵡學舌...........OH~NO~篇..... ^^

破戒...

今日..係拜山日...好早已同亞哥佢地係元朗....買野....
所以今朝好忙.......
我近來鐘意忙...越忙...越忘....
中午拜完山返歸....
大哥切燒豬.....今年老爸話耍訂隻燒豬去拜山...因此....今年有燒豬食...
我......係食素既....理應唔會食呢D食物....
但...今天....吃了.....
並不是貪吃....
只是...想吃..吃..吃...任何可以擺落口都要吃...
彷彿...將所有食得既野擺落口..心會踏實點.......但..事實並不然...
吃完....有點兒罪惡感....

第一天...

今天....病了....

也好終於唔使再笑臉迎人....

好多BLOGER都問...我既雨停了未???

我而家會答......我諗我既雨永遠都唔會停......

你睇....簷薘還在滴水.......滴答...滴答...滴答...滴答...滴答...滴答...

眾人皆醉我獨醒????

很氣餒.....好記得呢種感覺已經好耐沒有過....

今天返工.....好悶....感覺好靜..好死....萬事也提不起勁....就是那種...一大班人開開心心在玩中...唯獨自己覺得好孤寂...好LONELY...雖則眼前所有都是認識的朋友....但....他們的快樂...他們的歡愉...我一點也感受不到.....

眼像是看不見...耳像是聽不到...心像是沒有了.....覺得自己就似一張給人棄置一旁的廢紙....
工作時提不起勁....做得很差...有點兒衝動想將枱上所有東西推落枱....不想再思考...腦...實了...筆提不起了....究竟我有咩用????好討厭自己...很憎見到自己...
很迷茫...那個才是真正的自己??

曾於十多年前也將自己收於家中....返工...放工即回家...吃完飯...沖涼..上床...不和人說話...不看電視...不聽電話..除工作需要外...不見其他人.....我也記不起...這些日子過了多久....但...有一天...我突然瞓醒了....打了一個電話比我好同學兼好友...我的人生又步向不同了....
今天...那種自閉(我叫自閉吧??)..又回來了....昨天歡愉的感覺不知在什麼時候走了....今天一踏進公司...已經很想掉頭回家....很可怕啊~不是公司的可怕...是孤獨感的可怕...又如..眾人皆醉..我獨醒..的感覺....點解D人會開心既??會笑??點解我感覺唔到他們既喜悅???十萬八千里的感覺...身邊所有事都好像不關我事....我幹嘛???

好討厭..好討厭..好討厭我自己....唔想再在別人眼擠出笑臉...和顏悅色???我再做不了...點解要生活....人生...對我來說...是太苦了吧.......      

不想返工...不想見人...不想思考....不想有日出...不想見到明天....不想...不想...不想....
其實.....是怕.......!!!

飛吧...

就讓它.....飛吧.....



     

 

挖空了...就算吧....

地上還有''它''在伴我..........

繼續..繼續...

雨....可以停嗎???....

點解...只是....-___- ...............................

那裡去了

''你''去了那???為什麼只淨下了...黑與白???

雨.....灑過不停.........................................................

老細...良心

今日係公司居然有驚喜，三位老細請同事食開年TEA，無錯係夾份請我地TEA，並不是飯...呵!呵!

"CHEAP''???一D都唔CHEAP，因為咁多年黎都從來未吔過開年飯，今年有TEA喎，梗係要寫低，記念下...記念下...記念下...

其實係上個豬仔年同今年老鼠仔年開始，大家都做到死咁滯，正所謂得閒死都唔得閒病，個個同事怨聲再度，做到媽媽聲，痴晒線，可能係咁，老細就夾份請大家食小小野，安撫下我地啩!!唉!點都好啦，係咪都要做架啦，佢識做時大家都識識地做啦，開工利是加開年TEA，大家HAPPY!!!YEAH!!!

開心果...走了...

今朝係公司做下做野時，同事走過來同我講，

''肥姐走左''!

我聽到之後不期然講左句，走對佢黎講可能係一種解脫。
近年見到她的身體每況越下，我看見也覺得痛，離去不嘗不是一種好事，起碼而家佢可以同佢媽媽在天上共聚.

同同事食LUNCH時，電視剛剛做緊無線既''婦女新姿''??(其實我唔知個節目叫咩名，淨係知道以前叫呢個名)，見安德專一臉哀愁咁細說肥姐往事，同時亦接聽觀眾電話，說說對肥姐既感受，係節目當中我聽到其中一位電話入面既太太同安德專講，佢好細個已經好鍾意睇肥姐做戲，佢話肥姐可以話一路陪著佢成長，好似親人既感覺，話佢好唔捨得肥姐，一路講一路喊，直到講不出說話，而安德專就輕聲安慰呢位觀眾，
不過與此同時我都聽到現場(即我食緊飯既地方)有個侍應大大聲聲咁講''唓~預左佢會死架啦，過左年先死佢咪執到囖，駛唔駛咁喊???咁傷心做戲咩?''
我聽到之後，望一望個侍應，然後埋單離開....。

BLUE....

其實自己算係一個比較負面既人，好多時都係孤寂一點，當然，係朋友心目中我係屬於陽光既，但，我想講其實我係屬於夜晚......都幾有沉底FEEL....估唔到鼠年無耐，我今日已覺得自己係.................................

                                         藍色

分享下哥哥以前既片段..

尋日係網上見到兩段哥哥以前既片段，睇完後回憶好多，同大家分享下...
P.S.以為自己對廿年前百事廣告記憶攸新，睇完至知，唉!!畢竟廿年前既事，原來有好多遍段自己已經忘記左...慚愧慚愧...!!
www.daniel-carrie.org/show.aspx? id=956&cid=13
另外一段，就係哥哥85演唱會，同DANNY合唱場面，我應該唔係睇呢場，因為無咩印象，睇番之後，有些少唏噓感覺.....如果，今天兩人都係度既話，我諗我既世界會陽光D.....。
ANYWAY...請大家慢慢欣賞吖...
www.lesliecheung.cc/Concert/ 85concert/Danny/danny....

生日快樂

尋日家姐農曆生日，約左D好友同家人同佢去''拾下拾下''打邊爐是也....

           

                                                         

牛.....

係一亞C個BLOG到見到碗牛肉烏冬，令我有感而發.....

我係一個唔食牛肉既人，點解會咁，咁就要講番我既出身啦.....
大家都知我係一個元朗鄉下妹，家中恭奉既係觀音菩薩，由細到大屋企都未食過牛肉，我細個時問過我亞爸，佢話拜觀音就唔食得牛肉。''哦!!''當時，我既反應就係咁。
直到中學時因係元朗市讀書，就接觸到牛肉呢樣野啦，LUNCH同同學仔食麵，見到同學仔食腩河，哦~好香喎，有流口水FEEL添，當然，係咁既情況下，比同學仔遊說下，食左人我人生中的第一啖牛，仲係牛腩喎，哦~真係好好味呀，又香又淋又滑，之後試左牛肉啦，牛丸咁，感覺就麻麻，始終覺得牛腩先至好味..當然，偷食咁大既秘密，我屋企人唔知啦，不過，我都唔係時時食牛，始終唔係日日走去食腩河呀，牛腩飯架嘛..嘻!嘻!

士多啤梨....

唔知大家知唔知士多啤梨當造季節係一至四月，本來我都唔知架，直到今年見我屋企分左盤既士多啤梨勁開花又結果先知，哦，原來而家係時候啦...本來屋企得一盤，但，係07年夏天見棵野勁分枝，咁就同佢分盤啦，分下分下分到幾十盤，連屋企籬笆都擺唔晒，送左廿幾盤比D親朋好友，又種左80棵係後山，等佢地自生自滅(無法啦，應付唔到咁多呀)，嘩!呢兩日有番D太陽既，今日係屋企得閒望下，咦~咦~開左更多花，結左更多果喎，紅卜卜好靚仔喎，好野，亞媽至鍾意食，啱啱推左亞媽出門口睇下D士多啤梨，又摘D比佢食，佢話好香好甜好好味，見佢咁高興，我都好開心呀，我當然要親身試味啦.....呵~好甜好香呀~ ~

      

小東西

尋日亞朋友仔出來公司搵我食飯，難得朋友仔咁有心我當然要一盡地主之誼，除左去食飯外，我仲攞左半日假同佢HEA下太源街，雖然，我係灣仔返工，但，都好少去太源街，LUNCH時人太多，放工除人多外仲要趕返屋企，所以，平時都係好沖沖忙忙咁行過，好少駐足，反觀以前係荃灣返工，每當因公事出港島區時反而有去太源街HEA喎，奇怪!奇怪!尋日難得有時間又有伴，當然勁HEA灣仔啦，計下計下係太源街都HEA左粒幾鐘有多，當然，我地兩個都有少少收穫咁啦，唔HEA由自可，一HEA先發覺大家鍾意既玩具都差唔多，果然呀，鍾意GOO 仔D人真係都有相同既品味吖，仲係GOOD TASTE添，呵!呵!其實尋日仲有相同目標，就係去搵''春田花花幼稚園''，原來大家好耐無去過，諗住尋日去，哦~去到...執左，幢樓仲無埋，已是一個地盤啦......咁為有HEA 到落CB，我地就散BAND啦，再各自有各自地方去啦....不過，應承將我以前係太源街既戰利品比亞朋友仔睇，所以......請細心觀看.....

首先出場....車既係列啦....細個時好鍾意車(而家可能年紀大已經好少買車仔啦)....

          

   

OFFICE內的哥哥

新年第一日開工，在公在私都好忙，公事上勁多野做，私事上勁多利是要豆，無法子人緣太好啦，D同事好好差唔多個個將利是送到我手上，太感謝啦!話晒咁大個女啦，真係有D唔好意思，點都好多謝晒!係度祝大家心想事成，恭喜!恭喜!

              

不死....張國榮(七)

同大家返回1985年先啦.......

係果年演唱會，我係現場買左以下小小記念品，同大家分享下.....
   

    

不死....張國榮(六)

襯出去拜年前仲有D時間講下哥哥先....

分享下我手上仍有既演唱會飛吖...
       

新年到....

今日係大年初一，勁凍，我諗元朗呢度都唔知有無8度，手腳都冰啦.....!好在而家都無落雨，係一個好兆頭來架，係度祝大家係新一年身體更健康，搵錢搵更多，事事順景，開開心心，快快樂樂，恭喜!!!恭喜!!!.........見大家咁開心，就同大家分享一D哥哥既拜年相啦.........
                 

借用左PC網友一篇網誌

之前係佢BLOG度睇左架啦，今次有緣再番睇真係覺得好正，想再向大家分享，由期豬仔年將完之時，大家又大一歲，大家不妨諗多次，眨眼一年眨眼又一年，容咩易又過多十年呀，所以，大家要學會珍惜現在，因為，唔覺唔覺時間流走得真係好快..........

不死....張國榮(五)

回憶左咁多有關LESLIE既事，今次再講番我第一次睇LESLIE演唱會既感受啦。

時間去返1985年夏天....，初中既我第一次睇我人生中第一個紅館演唱會，仲記得係我哥哥請我去睇(係屋企幾兄弟姊妹一齊去)，仲係張國榮演唱會添，我知道之後簡直開心到瞓唔著添，當然係同學仔面前亦炫耀好耐啦!哈!哈!好緊張呀!仲記得大家係屋企集合晒，就一齊出發囖，我呢D正一鄉下妹，係圍村出九龍喎，一路撘車一路捉實亞哥隻手，幾鬼驚走散呀，我又少撘長途車喎(果時由元朗出九龍仲係行屯門公路，出到旺角又要轉車，總之轉來轉去先至到啦，總之轉到我都唔知邊度打邊度啦!)，所以仲暈住車浪咁去，而家諗番起都覺得自己超低能勁攪笑，哈!哈!去到果度(我都唔知邊度)，我地一班人就先食野，我記得因為仲暈緊車浪關係我只係係食左少少，跟住入埸囖.

你好野......C

尋日係公司飯枱食緊飯盒時，見到有本過左期既八婆集誌(忽X一週)，我呢係一個永遠唔會買呢D又老作又吹水唔抺咀既集誌睇既人來既，不過見吔飯又無咩野做，咁就攞來睇下有無亞C既報導啦，咦!!居然見到有一篇寫亞C喎，咁我就望下寫咩啦，標題-----何韻詩三分顏色上大紅(好似係咁，唔係咁記得啦。)大概就話亞C係無記勁歌係慶功宴上好''撬士''，事緣就係慶功宴上呢間集誌社記者走埋亞C度想話做訪問，咁埋到亞C身邊就比佢助手(25???)截住，問係佢係邊間傳媒，咁個記者就話係忽X一週，咁呀助手就講左句，''對唔住亞C唔接受週刊訪問''，講完就同亞C頭也不回咁走左入面坐啦。個記者係呢篇野就係寫住話...亞C而家又唔係咩大姐大，又唔係好紅駛唔駛咁寸呀，佢師傅梅姐以前係大姐大時都好比面傳媒啦，無D梅姐風範等等................(下刪五十字.......)。

誠意推介

如果，有緣睇到呢個留言既你，恭喜晒!!

我啱啱先返到屋企，已經忍唔住要通知各方好友，快D去睇''AUGUST RUSH''''聲夢奇緣''，私人誠意推介，真係好正，我不褸都唔興睇故事大綱先再去睇戲，呢部我都無睇簡介(我有私人秘書代勞嘛，哈哈)所以，事前我一D都唔知部戲講咩，一路睇一路FEEL，好正，如果你鍾意MUSIC又認識音樂既話，呢部戲更加不能錯過，信我，襯未落畫快D去睇，睇完之後覺得唔好既話，歡迎隨時上來媽叉我。

I'm back...

最低潮一刻已經過去，抹去前事不快，我相信明天醒來，我會知道條路要點走，THANKS ---'YOU'，緣來緣去，你鬧左我成晚，我都未會醒覺，就果兩個鍾，原來可以改變人既一生(至少改變我)，我希望我係未來日子會一路記得我既'叮'一聲，真心向您說聲謝謝(雖然話到尾都唔係你直接點醒我，但，無你既話，我都唔會'叮'一聲)，頭先我向你講出我既'叮'事時，見你都好愕然，點解我突然開竅，我都好奇怪點解我個腦會突然'叮'一聲，我諗上天從來都無放棄我，今日佢顯示實力啦，放心，我真係知道以後點做。THANKS AGAIN!!

不死....張國榮(四)

打電話詳情現在開始........
話說終於有日放學返到屋企，攞起個電話，撥號出去........鈴~鈴~鈴~個心好驚、鈴~鈴~鈴~個心好驚、鈴~鈴~鈴~第一句要講咩??鈴~鈴~鈴~噢!無人聽!唉!居然有鬆一口氣既感覺，哈!問你死未??!!!放低電話唔服，再打，都係無人聽，果陣應該係下午五點左右，好，心諗--夜晚再打，等食完晚飯，沖完涼，九點咁上下就的起心干，打電話啦，鈴~鈴~ ~ ~你估今次有無人聽啦.....?!..............

偶像的影響力

其實仲未病完，天氣又好凍，又勁咳，但，都要寫低篇BLOG讚一讚亞C，首先恭喜她的FUND CLUB成立，亦都因為佢香港D青少年又或者香港人有救啦!其實人性本善，但，往往都係處於被動狀況，缺少主動性，好多人想做善事但都缺少推動力，亞C呢個推動力其實係一個好開始，起碼首先可以令喜歡佢既人因佢而動起來。
由近致遠，我相信假以時日，會有更多人參與善事，咁，香港會更美好，眼見先前有四海一心，RED MISSION 現有 HOCC FUND。唔知點解，心裡有一種安慰感覺，好奇怪!!!哈!哈!

病...............

禽日已經喉嚨痛，到半夜仲痛，加上天氣凍鼻敏感發作，成個鼻塞晒，喉嚨又痛喎又要用口抖氣，痛上加痛，起身一'伸'鼻就出晒血，頂唔順啦要去睇E生，放兩日病假，好似仲有小小發燒添。天呀，好痛呀!!希望抖兩日會D好啦!阿門!!!!(病到矇左)

P.S.今日十五...齋期!!

不死....張國榮(三)

補充下中學睇LESLIE既野，記憶所及去左三次?四次?五次?唔係太記得，不過近日又記番一D事，記得果時有個場務哥哥原來我哥識架(因為返屋企同亞哥講起佢話佢個FRIEND係果度開工先知,以我所知個場務哥哥而家已變成制片啦!)，我知道後梗係去認親認戚啦，仲記得去到博愛E院見唔到LESLIE，我地就會叫我亞哥個FRIEND出來吹水，吹咩呢，就問下拍戲拍到幾時呀!LESLIE幾時收工呀，可唔可以叫LESLIE出來咁等等....!都幾煩擾架!!

不死....張國榮(二)

繼尋晚之後，今日又想起一些小事，記得曾提及我初中放學去睇LESLIE，諗返其實LESLIE只係係元朗五到六日咁上下，係我同學(ALAN迷)個細妹有日放學經過博愛E院，發現有人拍戲，走去八下先知係LESLIE係度拍'為你鍾情'，到我同學返到學校同我地講已經係兩日後既事，計下手指，我應該去左三或者四日到。

第一日當然又係打空手去啦，見到LESLIE我地勁叫呀，攪到D場務出來勸我地細聲D，等左好耐，LESLIE先至有時間出來同我地SAY HI!!好好人呀!

不死....張國榮(一)

認識我既人都知道我既偶像係LESLIE，記得第一份工D同事叫我做.."榮痴"，果陣時係1989年(哎呀!曝露自己年齡添!算啦!)，其實好細個已經好鍾意LESLIE，記得初中時，知到佢係元朗拍戲，一放學即刻同同學仔坐的士去睇，好興奮、好緊張，日日一聽到放學鐘就一支箭咁飛過去，記得有一次一放學就比班主任捉住，問我0地呢期攪咩0野，一放學就唔見人，我0地話去睇LESLIE，佢聽到之後，雙眼放光，就話佢陣間都要去，仲話我0地點解唔早D通知佢喎，而家諗番起都幾攪笑。

12號的秋遊

上星期六，重遊南生圍，記憶中成年幾兩年無到過，
oh!本來一大片小花小草地，全部比人摌平晒，唉!
雖然，貝貝搬左去濕地公園姐，咁都唔駛一個唔該都無，
就成塊地摌起晒架，真係XYZ呀......

多謝my dear

thank you very much!! my dear lover!
好感激幫我呢個電腦白痴攪好個blog既分類名單，好開心呵!
仲係比我激死既情況下，解釋blog上的制制點用(我唔知果d點叫)!
又幫我加blog友名單，oh!!太好人啦，知你好忙，浪費你好多時間，
不過，都希望你得閒上我屋企再教一教我呢個低能友，
放心，我實報答你既，oh!新偶像呀!
I love u 呀!!